The weather

The World Outside >

Choose A Dialect:

An Aimsir

The weather

English

The weather is lovely today.

Gaeilge Chonnacht

Tá an aimsir go hálainn inniu.

Gaeilge Uladh

Tá an aimsir deas inniu. / Tá an aimsir galánta inniu.

Gaeilge na Mumhan

Tá an aimsir go hálainn inniu.

English

It’s a bad day today. It’s fierce bad weather.

Gaeilge Chonnacht

Drochlá atá ann. Is dona an aimsir í.

Gaeilge Uladh

Tá drochlá ann. Tá an aimsir go holc.

Gaeilge na Mumhan

Drochlá is ea é. Tá an aimsir diamhair. / Tá an aimsir go hainnis.

English

There’s no drying out. Quick! It’s starting to rain!

Gaeilge Chonnacht

Níl aon triomach ann inniu. Seo! Tá an bháisteach tosaithe!

Gaeilge Uladh

Níl triomú ar bith ann. Goitse gasta! Tá an fhearthainn ag toiseacht!

Gaeilge na Mumhan

Níl aon triomacht ann inniu. Seo! Tá an bháisteach tosnaithe!

English

I/We have to take in the clothes.

Gaeilge Chonnacht

Caithfidh mé na héadaí a thabhairt isteach.

Gaeilge Uladh

Caithfidh muid an t-éadach a thabhairt isteach.

Gaeilge na Mumhan

Caithfimid na héadaí a thabhairt isteach.

Grian

Sun

English

The sun is shining up in the sky.

Gaeilge Chonnacht

Tá an ghrian ag scaladh sa spéir.

Gaeilge Uladh

Tá an ghrian ag soilsiú sa spéir.

Gaeilge na Mumhan

Tá an ghrian ag taitneamh.

English

It’s a sunny day. It is very hot today.

Gaeilge Chonnacht

Tá an lá grianmhar. Tá sé an-te inniu.

Gaeilge Uladh

Tá lá ar dóigh ann. Tá sé iontach te inniu. / Tá teas bocht ann.

Gaeilge na Mumhan

Lá breá is ea é. Tá sé ana-the inniu.

English

The sun is splitting the stones.

Gaeilge Chonnacht

Tá an ghrian ag scaladh is ag scoilteadh na gcloch.

Gaeilge Uladh

Tá an ghrian ag soilsiú is ag scoilteadh na gcloch.

Gaeilge na Mumhan

Tá an ghrian ag scoilteadh na gcloch.

English

It’s close. / It’s sultry.

Gaeilge Chonnacht

Tá sé meirbh.

Gaeilge Uladh

Tá sé marbhánta.

Gaeilge na Mumhan

Tá sé meirbh.

English

It’s airless. / The heat is oppressive.

Gaeilge Chonnacht

Tá sé marbhánta. / Tá teas marbhánta ann.

Gaeilge Uladh

Tá teas marbhánta ann. / Tá teas fiánta ann.

Gaeilge na Mumhan

Tá sé marbhánta. / Tá teas marbhánta ann.

English

I like the heat of the sun. I like the heat.

Gaeilge Chonnacht

Is maith liom teas na gréine. Taitníonn an teas liom.

Gaeilge Uladh

Is maith liom teas na gréine. Is maith liom an teas.

Gaeilge na Mumhan

Is maith liom teas na gréine. Taitníonn an teas liom.

Ceo, ceobrán

Ceo, brádán, ceobhrán

Fog, drizzle, mist

English

It’s drizzling. It’s misty.

Gaeilge Chonnacht

Tá brádán ann. Tá ceobhrán ann.

Gaeilge Uladh

Tá sé ceobránach.

Gaeilge na Mumhan

Tá sé salach. Tá sé ceobhránach.

[Tá sé ag ceobhrán.]

English

It’s foggy.

Gaeilge Chonnacht

Tá ceo ann. / Tá sé ina cheo.

Gaeilge Uladh

Tá ceo ann.

Gaeilge na Mumhan

Tá ceo ann.

English

There is fog coming in from the sea.

Gaeilge Chonnacht

Tá ceo ag tíocht isteach ón bhfarraige.

Gaeilge Uladh

Tá ceo ag teacht isteach ón fharraige.

Gaeilge na Mumhan

Tá ceo ag teacht isteach ón bhfarraige.

Fearthainn agus Ceathaideacha

Báisteach agus ceathanna

Báisteach agus Múraíl

Rain and Showers

English

It’s a cloudy day. It might rain.

Gaeilge Chonnacht

Tá sé scamallach inniu. B’fhéidir go mbeidh sé ag báisteach.

Gaeilge Uladh

Tá sé scamallach inniu. B’fhéidir go mbeidh sé ag báistigh ar ball.

Gaeilge na Mumhan

Tá sé scamallach inniu. B’fhéidir go mbeidh sé fliuch.

[B’fhéidir go bhfliuchfaidh sé.]

English

It was pouring earlier today. / There was a downpour earlier today.

Gaeilge Chonnacht

Bhí sé ag stealladh báistí níos túisce inniu. / Bhí sé ag gleadhradh báistí níos túisce inniu.

Gaeilge Uladh

Bhí sé ag cur is ag báistigh níos luaithe inniu.

Gaeilge na Mumhan

Bhí sé ag stealladh báistí níos luaithe inniu.

[Bhí sé ag stealladh níos luaithe inniu.]

English

I saw a shower coming from the West.

Gaeilge Chonnacht

Chonaic mé múr ag tíocht aniar.

Gaeilge Uladh

Chonaic mé cith ag teacht aniar.

Gaeilge na Mumhan

Chonac cith ag déanamh orainn aniar.

English

I had to run when I saw the shower coming.

Gaeilge Chonnacht

B’éigean dhom ritheacht nuair a chonaic mé an múr ag tíocht.

Gaeilge Uladh

B’éigean domh rith nuair a chonaic mé an chith ag teacht.

Gaeilge na Mumhan

Chaitheas rith nuair a chonac an cith ag teacht.

English

There will be showers. / It will be showery.

Gaeilge Chonnacht

Beidh múranna ann. / Déanfaidh sé múraíl.

Gaeilge Uladh

Beidh ceathaideacha ann.

Gaeilge na Mumhan

Beidh sé ceathach.

[Beidh ceathanna ann.]

English

It’s wet today.

Gaeilge Chonnacht

Tá sé fliuch inniu.

Gaeilge Uladh

Tá sé fliuch inniu.

Gaeilge na Mumhan

Tá sé fliuch inniu.

English

It’s raining.

Gaeilge Chonnacht

Tá sé ag báisteach inniu.

Gaeilge Uladh

Tá sé ag báistigh.

Gaeilge na Mumhan

Tá sé fliuch.

[Tá sé ag báisteach.]

English

It’s pouring.

Gaeilge Chonnacht

Tá sé ag dóirteadh báistí. / Tá sé ina dhóirteadh.

Gaeilge Uladh

Tá sé ag stealladh fearthainne.

Gaeilge na Mumhan

Tá sé ag stealladh báistí.

[Tá báisteach throm ann.]

English

There are floods of rain.

Gaeilge Chonnacht

Tá sé ina dhíle. / Ta sé ina dhíle báistí. / Tá tuile caite aige.

Gaeilge Uladh

Tá sé ag cur is ag báistigh. / Tá sé ag cur de dhian is de dheoir.

Gaeilge na Mumhan

Tá sé ina dhíle.

English

There were floods on the road.

Gaeilge Chonnacht

Bhí fuarlaigh ar an mbóthar.

Gaeilge Uladh

Bhí tuilte ar an bhealach mhór.

Gaeilge na Mumhan

Bhí tuilte ar na bóithre.

English

I was splashing in the puddles in my new wellingtons, in my new wellies.

Gaeilge Chonnacht

Bhí mise ag splaiseáil sna locháin agus mo bhuataisí nua orm. / Bhí mise ag splaiseáil sna locháin agus mo bhoilíos nua orm.

Gaeilge Uladh

Bhí mise ag splaisteáil sna locháin agus mo chuid buataisí úra orm.

Gaeilge na Mumhan

Bhíos ag splaiseáil sna locháin agus mo bhuataisí nua orm.

[Bhíos ag splaiseáil sna locháin agus mo bhoilíos nua orm.]

English

The sun is shining here but it’s raining over there.
/ It’s sunny here, but it’s wet over there, across from us.

Gaeilge Chonnacht

Tá an ghrian ag scaladh anseo ach tá sé ag cur báistí thall ansin.
/ Tá sé ag scaladh anseo ach tá sé fliuch thall ansin.

Gaeilge Uladh

Tá an ghrian ag soilsiú anseo agus tá sé ag cur báistí thall.

[Tá an aimsir go deas anseo ach tá sé fliuch thall.]

Gaeilge na Mumhan

Tá an ghrian ag taitneamh anso ach tá sé fliuch thall ansan.

English

It’s sunny here but it’s wet to the south. / to the south of us. / to the north [of us.]

Gaeilge Chonnacht

Tá sé ag scaladh anseo ach tá sé fliuch sa deisceart.
Tá sé fliuch ó dheas uainn. Tá sé fliuch ó thuaidh uainn.

Gaeilge Uladh

Tá an aimsir go deas anseo ach tá sé fliuch sa deisceart.

[Tá sé fliuch sa tuaisceart.]

Gaeilge na Mumhan

Tá an ghrian anso ach tá sé fliuch theas.

English

I needed an umbrella when I was coming to school today.

Gaeilge Chonnacht

Bhí scáth báistí ag teastáil uaim agus mé ag tíocht ar scoil inniu.

Gaeilge Uladh

Bhí scáth báistí de dhíobháil orm agus mé ag teacht chun na scoile inniu.

Gaeilge na Mumhan

Chaitheas scáth báistí a thabhairt liom inniu.

Stoirm

A storm

English

It’s stormy.

Gaeilge Chonnacht

Tá sé ina stoirm. / Tá sé garbh.

Gaeilge Uladh

Tá sé garbh.

Gaeilge na Mumhan

Tá sé ina stoirm. / Tá sé garbh.

English

The seagulls have come in. They have come in to shelter.

Gaeilge Chonnacht

Tá na faoileáin tagtha i dtír. Tá siad tagtha isteach ar an bhfoscadh.

Gaeilge Uladh

Tá na faoileoga ar an tír mór. Tá siad i ndiaidh a theacht isteach ar foscadh.

Gaeilge na Mumhan

Tá na faoileáin tagtha i dtír. Tá siad tagtha isteach sa bhfothain.

English

There was thunder and lightning.

Gaeilge Chonnacht

Bhí tintreach agus toirneach ann.

Gaeilge Uladh

Bhí soilseach agus toirneach ann.

Gaeilge na Mumhan

Bhí splancacha agus toirneach ann.

Gaoth

Wind

English

The wind is blowing. It’s windy.

Gaeilge Chonnacht

Tá an ghaoth ag séideadh. Tá gaoth ann. / Tá sé gaofar.

Gaeilge Uladh

Tá an ghaoth ag séideadh. Tá gaoth ann. / Tá sé garbh.

Gaeilge na Mumhan

Tá sé gaofar.

[Tá an ghaoth ag séideadh. Tá gaoth ann.]

English

The wind is biting. That’s a harsh east wind!

Gaeilge Chonnacht

Tá goimh sa ngaoth. Sin gaoth fhuar anoir!

Gaeilge Uladh

Tá nimh sa ghaoth. Sin gaoth fhuar anoir!

Gaeilge na Mumhan

Tá goimh sa ghaoth. Tá nimh inti! Sin gaoth fhuar anoir!

English

There is a strong wind blowing.

Gaeilge Chonnacht

Tá gaoth láidir ag séideadh.

Gaeilge Uladh

Tá gaoth láidir ag séideadh.

Gaeilge na Mumhan

Tá gaoth láidir ag séideadh.

English

It’s blowing a gale.

Gaeilge Chonnacht

Tá sé ina ghála.

Gaeilge Uladh

Tá gála ann.

Gaeilge na Mumhan

Tá sé ina ghála.

English

The wind is rising. / The wind is getting stronger.

Gaeilge Chonnacht

Tá an ghaoth ag neartú.

Gaeilge Uladh

Tá an ghaoth ag éirí láidir.

Gaeilge na Mumhan

Tá an ghaoth ag éirí.

English

The wind is dying down.

Gaeilge Chonnacht

Tá an ghaoth ag lagú.

Gaeilge Uladh

Tá an ghaoth ag titim.

Gaeilge na Mumhan

Tá maolú ar an ngaoth.

English

There’s rain on the wind.

Gaeilge Chonnacht

Tá báisteach ar an ngaoth.

Gaeilge Uladh

Tá fearthainn leis an ghaoth.

Gaeilge na Mumhan

Tá báisteach chugainn.

Fuacht

The cold

English

Wintry weather! It’s very cold today.

Gaeilge Chonnacht

Aimsir gheimhriúil! Tá sé an-fhuar inniu.

Gaeilge Uladh

Aimsir gheimhridh! Tá sé iontach fuar inniu!

Gaeilge na Mumhan

Aimsir gheimhriúil! Tá sé ana-fhuar inniu.

English

Isn’t it cold! It’s cold today.

Gaeilge Chonnacht

Nach é atá fuar! Tá sé fuar inniu.

Gaeilge Uladh

Tá sé fuar inniu.

Gaeilge na Mumhan

Nach fuar atá sé! Tá sé fuar inniu.

English

There was frost last night. / Jack Frost was out last night.

Gaeilge Chonnacht

Rinne sé sioc aréir. / Bhí sioc dubh thart aréir.

Gaeilge Uladh

Shioc sé aréir.

[Bhí sioc dubh ann aréir. / Bhí siocán ann aréir.]

Gaeilge na Mumhan

Bhí sioc dubh ann aréir. / Chuir sé sioc dubh aréir.

English

It’s very frosty.

Gaeilge Chonnacht

Tá sé ag cur seaca. / Sioc crua atá ann.

Gaeilge Uladh

Siocán cruaidh atá ann.

[Tá sé ag sioc.]

Gaeilge na Mumhan

Tá sé ag cur seaca. / Sioc cruaidh atá ann.

English

The puddles are frozen.

Gaeilge Chonnacht

Tá na locháin reoite.

Gaeilge Uladh

Tá na locháin siocaithe.

Gaeilge na Mumhan

Tá na locháin reoite.