Tá mé ag iarraidh é sin a chaitheamh!

Ag Gléasadh >

Roghnaigh Canúint:

Tá mé ag iarraidh sin a chaitheamh!

Teastaíonn uaim an ceann sin a chaitheamh!

Tá mé ag iarraidh é sin a chaitheamh!

I want to wear that!

Tá mé ag iarraidh é sin a chaitheamh!

English

You can’t.  
It’s in the wash.

Gaeilge Chonnacht

Ní fhéadfaidh tú.
Tá sé le níochán.

Gaeilge Uladh

Bhuel, ní thig leat.
Tá sé le ní. Tá sé sa níochán.

Gaeilge na Mumhan

Bhuel, ní féidir leat.
Tá sé sa níochán. / Tá sé á ní.

English

It’s not quite dry yet. / It’s not dry enough yet.

Gaeilge Chonnacht

Níl sé baileach tirim fós. / Níl sé sách tirim fós.

Gaeilge Uladh

Níl sé tirim go fóill.

[Níl sé tirim go leor go fóill.]

Gaeilge na Mumhan

Níl sé tirim fós.

English

It’s damp. I have to air it.
Give me that! I told you it was damp!

Gaeilge Chonnacht

Tá sé tais. Caithfidh mé é a aeráil.
Tabhair dhom é sin. Dúirt mé leat go raibh sé tais.

Gaeilge Uladh

Tá sé tais. Caithfidh mé é a aeráil.
Tabhair domh sin. Dúirt mé leat go raibh sé tais.

Gaeilge na Mumhan

Tá sé tais. Caithfead é a aeráil.
Tabhair dom é sin. Dúirt mé leat go raibh sé tais.

English

You can’t wear damp clothes.
You’ll get pneumonia!

Gaeilge Chonnacht

Ní fhéadfaidh tú éadaí taise a chaitheamh.
Gheobhaidh tú niúmóine!

Gaeilge Uladh

Ní thig leat éadach tais a chaitheamh.
Gheobhaidh tú niúmóine!

Gaeilge na Mumhan

Ní fhéadfair éadaí taise a chaitheamh.
Gheobhair niúmóine!

English

You may wear any T-shirt you like except that one.
That’s dirty. / It’s filthy. (T-léine: ‘it’ = ‘sí’)

Gaeilge Chonnacht

Féadfaidh tú do rogha T-léine a chaitheamh seachas an ceann sin.
Tá sí sin brocach.

Gaeilge Uladh

Thig leat T-léine ar bith a chur ort ach amháin an ceann sin. /
Tá sí sin salach.

[Thig leat do rogha T-léine a chur ort ach amháin an ceann sin.]

Gaeilge na Mumhan

Féadfair do rogha T-léine a chaitheamh seachas an ceann san. /
Tá sí sin salach.

[Féadfair aon T-léine eile ach é sin a chaitheamh.]

English

It’s all muck/mud.

Gaeilge Chonnacht

Tá sí lán le puiteach.

Gaeilge Uladh

Tá sí lán le clábar.

 

[Tá sí iontach salach. / Tá sí róshalach.]

Gaeilge na Mumhan

Tá sí bréan. Tá sí lán de phluda.

 

[Tá sí lán de chéir.]

English

No, you can’t wear that today.

Gaeilge Chonnacht

Ní fhéadfaidh tú é sin a chaitheamh inniu.

Gaeilge Uladh

Ní thig leat í sin a chaitheamh inniu.

Gaeilge na Mumhan

Ní fhéadfair é sin a chaitheamh inniu.

English

It’s not warm enough for this weather.
Wear this again today.

Gaeilge Chonnacht

Níl sé sin sách te dhon aimsir seo.
Caith é seo aríst inniu.

Gaeilge Uladh

Níl sé te go leor don aimsir seo.
Cuir seo ort aríst inniu.

Gaeilge na Mumhan

Níl sé te a dhóthain don aimsir seo.
Cuir ort é seo arís inniu.

[Caith é seo arís inniu.]

English

That doesn’t fit you anymore. It’s too small for you.

Gaeilge Chonnacht

Ní théann sé sin ort níos mó. Tá sé róbheag dhuit.

Gaeilge Uladh

Ní théann sin ort níos mó. Tá sé róbheag duit.

Gaeilge na Mumhan

Níl san oiriúnach duit níos mó.
/ Ní théann sé sin ort níos mó, tá sé róbheag duit.

English

That’s miles too big for you.

Gaeilge Chonnacht

Tá sé sin i bhfad rómhór dhuit.

Gaeilge Uladh

Tá sin i bhfad rómhór agat.

Gaeilge na Mumhan

Tá sé sin i bhfad rómhór duit.

English

That’s on back to front.

Gaeilge Chonnacht

Tá sé sin droim ar ais ort.

Gaeilge Uladh

Tá sin siar is aniar ort.

Gaeilge na Mumhan

Tá sé siar is aniar ort.

English

Your sweatshirt is on back to front.
We’ll turn it around.

Gaeilge Chonnacht

Tá do léine spóirt droim ar ais ort.
Iompóidh muid thart í.

Gaeilge Uladh

Tá do léinidh spóirt casta siar ort.  
Casfaidh muid thart í.

Gaeilge na Mumhan

Tá do léine spóirt siar is aniar ort.
Iompóimid timpeall í.

English

Remember, the picture always goes to the front.

Gaeilge Chonnacht

Cuimhnigh i gcónaí an pictiúr a chur chun tosaigh.

Gaeilge Uladh

Smaointigh gur chun tosaigh a théann an pictiúr.

Gaeilge na Mumhan

Cuimhnigh ar an bpictiúr a bheith chun tosaigh.

[Cuimhnigh ar an bpictiúr a bheith ar do thosach.]

English

The label is supposed to be at the back.

Gaeilge Chonnacht

Is ceart an lipéad a bheith ar chúl.

Gaeilge Uladh

Is ar chúl ba chóir don lipéad a bheith.

Gaeilge na Mumhan

Ba cheart an lipéad a bheith taobh thiar.

[Ba cheart an lipéad a bheith ar chúl.]

English

Your shirt is on inside out.
That’s on inside out.

Gaeilge Chonnacht

Tá do léine iompaithe amach.
Tá sí sin iompaithe amach ort.

Gaeilge Uladh

Tá do léinidh istigh is amuigh ort. Tá sí sin istigh is amuigh ort. / Tá sin ag tiontú amach ort.

 

[Tá sé sin tiontaithe amach ort. / Tiontaigh sin amach ort.]

Gaeilge na Mumhan

Tá do léine isteach is amach ort.
Tá sé sin isteach is amach ort.

English

You’re ready.

Gaeilge Chonnacht

Tá tú réidh.

Gaeilge Uladh

Tá tú réidh.

Gaeilge na Mumhan

Tánn tú ullamh.

English

You’re gorgeous! (to a girl)
/ Who’s a lovely girl!
Who’s a lovely boy!

Gaeilge Chonnacht

Tá tú go hálainn!
Nach álainn an cailín beag thú, bail ó Dhia ort!
Nach álainn an buachaillín thú, bail ó Dhia ort!

Gaeilge Uladh

Tá tú galánta! (le cailín)
Nach galánta an ghirseach thú!
Nach deas an gasúr beag tú!

Gaeilge na Mumhan

Tánn tú go haoibhinn!
Nach aoibhinn an gearrchaile thú!
Nach aoibhinn an garsún thú!

English

Go in and show yourself to Daddy.
Go in and show yourself to Mammy.

Gaeilge Chonnacht

Téir isteach agus taispeáin thú féin dho Dheaide.
Téir isteach agus taispeáin thú féin dho Mhama.

Gaeilge Uladh

Imigh isteach agus taispeáin tú féin do Dhaidí.

[Imigh isteach agus taispeáin tú féin do Mhamaí.]

Gaeilge na Mumhan

Téir isteach agus taispeáin tú féin do Dhaidí.
Téir isteach agus taispeáin tú féin do Mhamaí.
/ Téir isteach agus taispeáin tú féin do Mham.