Cluichí cóisire

Cóisir Lá Breithe >

Roghnaigh Canúint:

Pass the parcel

Cuir thart an beart

English

We will pass the parcel.

Gaeilge Chonnacht

Cuirfidh muid ar aghaidh an beartán.

Gaeilge Uladh

Cuirfidh muid thart an beart.

Gaeilge na Mumhan

Cuirfimid an beartán ar aghaidh.

English

We’ll wrap this toy, that notebook and these markers up in loads of layers of paper.

Gaeilge Chonnacht

Cuirfidh muid go leor sraitheanna páipéir timpeall an bhreagáin seo, timpeall an leabhair nótaí sin, agus timpeall na marcóirí seo.

Gaeilge Uladh

Cuirfidh muid lear mór sraitheanna páipéir thart ar an bhreagán seo, thart ar an leabhar nótaí sin, agus thart ar na marcálaithe seo.

Gaeilge na Mumhan

Cuirfimid ana-chuid sraitheanna páipéir timpeall an bhreagáin seo, timpeall an leabhair nótaí sin, agus timpeall na marcóirí so.

English

This is how you play it: Everyone sits in a circle on the floor. Then we play music.

Gaeilge Chonnacht

Siod é an chaoi a n-imríonn tú é: Suíonn chuile dhuine i gciorcal ar an urlár. Casfaidh muid air an ceol ansin.

Gaeilge Uladh

Seo an dóigh a imríonn tú é: Suíonn achan duine i gciorcal ar an urlár. Cuirfidh muid air an ceol ansin.

Gaeilge na Mumhan

Seo an tslí a dh’imríonn tú é: Suíonn nach éinne i gciorcal ar an urlár. Seinnfimid an ceol ansan.

[Cuirfimid an ceol ar siúl ansan.]

English

When the music stops, whoever has the parcel has to tear off the paper.

Gaeilge Chonnacht

Nuair a stopfas an ceol caithfidh an duine a bhfuil an beartán aige nó aici an páipéar a stróiceadh den bheartán.

Gaeilge Uladh

Nuair a stadfas an ceol caithfidh an duine a bhfuil an beartán aige an páipéar a stróiceadh den bheartán.

Gaeilge na Mumhan

Nuair a stopfaidh an ceol caithfidh an té ag a bhfuil an beartán sraith amháin páipéir a stracadh don mbeartán.

English

Then the music will start again and he or she has to hand around the parcel again.

Gaeilge Chonnacht

Tosóidh an ceol aríst agus cuirfidh an duine sin an beartán ar aghaidh aríst.

Gaeilge Uladh

Tosóidh an ceol aríst agus cuirfidh sé nó sí an beartán thart aríst.

Gaeilge na Mumhan

Tosnóidh an ceol arís agus cuirfidh sé nó sí an beartán ar aghaidh arís.

English

Do you think we should put a bar or a sweet in between the layers of paper?

Gaeilge Chonnacht

Meas tú ar cheart dúinn barra seacláide nó milseán a chur idir na sraitheanna páipéir?

Gaeilge Uladh

Do bharúil ar cheart dúinn barra seacláide nó milseán a chur idir na sraitheanna páipéir?

Gaeilge na Mumhan

Cad déarfá, an gceart dúinn barra seacláide nó mísleán a chur idir na sraitheanna páipéir?

Musical statues

Damhsa na ndealbh

English

We can play Musical Statues. This is how you play it:
Everyone dances to the music.

Gaeilge Chonnacht

Féadfaidh muid “Damhsa na nDealbh” a imirt. Seo é an chaoi a n-imríonn tú é:
Téann chuile dhuine ag damhsa leis an gceol. / Damhsaíonn chuile dhuine leis an gceol.

Gaeilge Uladh

Thiocfadh linn “Damhsa na nDealbh” a imirt. Seo an dóigh a n-imríonn tú é.
Téann achan duine ag damhsa leis an cheol.

[Damhsaíonn achan duine leis an cheol.]

Gaeilge na Mumhan

Féadfaimid Rince na nDealbh a dh’imirt. Sé seo an tslí a dh’imríonn tú é.
Téann nach éinne ag rince leis an gceol.

English

Then when the music stops, everyone freezes on the spot like a statue.

Gaeilge Chonnacht

Ansin nuair a stopfaidh an ceol, fanann chuile dhuine mar atá sé, gan cor as ar nós deilbh.

Gaeilge Uladh

Ansin nuair a stadfas an ceol, fanfaidh achan duine mar atá sé, gan bogadh as, cosúil le dealbh.

Gaeilge na Mumhan

Ansan nuair a stopann an ceol, fanann nach éinne mar atá siad, gan aon chor astu ar nós deilbh.

English

If I catch anyone moving, then that person is out and has to sit down.

Gaeilge Chonnacht

Má bheireann mé ar aon duine ag corraí, beidh an duine sin amuigh as an gcluiche. Beidh air nó uirthi suí síos.

Gaeilge Uladh

Má bheirim ar dhuine ar bith ag bogadh, beidh an duine sin amuigh as an chluiche, agus caithfidh sé nó sí suí síos.

Gaeilge na Mumhan

Má bheirim ar aon duine ag corraí, cuirfear an duine sin amach as an gcluiche agus caithfidh sé nó sí suí síos.

English

The last person left is the winner. We’ll have a little prize for the winner.

Gaeilge Chonnacht

Is é an buaiteoir an duine deireanach atá fágtha ina sheasamh. Beidh duais bheag againn don bhuaiteoir.

Gaeilge Uladh

Bainfidh an duine deireanach a bheas fágtha. Beidh duais bheag againn don té a bhainfeas.

Gaeilge na Mumhan

Beidh an bua ag an nduine deireanach a bheidh fágtha ar an urlár. Beidh duais bheag againn don mbuaiteoir.

English

Let’s have a practice or two so everyone understands how to play.

Gaeilge Chonnacht

Beidh cleachtadh nó dhó againn i dtreo is go dtuigfidh chuile dhuine an chaoi a n-imrítear é.

Gaeilge Uladh

Beidh cleachtadh nó dhó againn sa dóigh is go dtuigfidh achan duine an dóigh le é a imirt.

Gaeilge na Mumhan

Déanfaimid é a chleachtadh ar dtúis ionas go dtuigfidh nach éinne conas é a imirt.

Musical bumps

Preab le ceol

English

This is how you play Musical Bumps: The music starts and everyone jumps up and down.

Gaeilge Chonnacht

Siod é an chaoi a n-imríonn tú “Preab le Ceol”: Tosaíonn an ceol agus bíonn chuile dhuine ag léim suas is anuas.

Gaeilge Uladh

Seo an dóigh a n-imríonn tú “Preab le Ceol”. Toiseann an ceol agus bíonn achan duine ag léimtigh suas is anuas.

Gaeilge na Mumhan

Is é seo an tslí a dh’imríonn tú “Preab le Ceol”. Tosnaíonn an ceol agus bíonn nach éinne ag léim síos is suas.

English

When the music stops you have to sit down on the floor as quick as you can.

Gaeilge Chonnacht

Nuair a stopfas an ceol caithfidh tú suí síos ar an urlár chomh sciobtha agus is féidir leat.

Gaeilge Uladh

Nuair a stadfas an ceol caithfidh tú suí síos ar an urlár chomh gasta agus a thig leat.

Gaeilge na Mumhan

Nuair a stopfaidh an ceol caithfidh tú suí síos ar an urlár chomh tapaidh agus is féidir leat.

English

The last person still standing is out.

Gaeilge Chonnacht

Cuirfear amach as an gcluiche an duine is moille ag suí síos agus an ceol stoptha.

Gaeilge Uladh

Cuirfear amach as an chluiche an duine deireanach a bheas ina sheasamh go fóill agus an ceol stadta.

Gaeilge na Mumhan

Cuirfear amach as an gcluiche éinne a bheidh fós ina sheasamh agus an ceol stoptha.

English

Then we do it again and again until only one person is left. That person will be the winner.

Gaeilge Chonnacht

Ansin déanfaidh muid aríst agus aríst eile é go dtí nach mbeidh ach duine amháin fanta. Sin é an buaiteoir.

Gaeilge Uladh

Ansin dhéanfaidh muid aríst agus aríst eile é go dtí nach mbeidh ach duine amháin fágtha. Bainfidh an duine sin.

Gaeilge na Mumhan

Ansan déanfaimid arís agus arís eile é go dtí nach mbeidh ach duine amháin fágtha. Beidh an bua ag an nduine sin.

Musical chairs

Ceol is cathaoireacha

English

This is how you play Musical Chairs: We put out the chairs – one less than the number of people playing.
The music starts and everyone walks around the chairs.

Gaeilge Chonnacht

Seo an chaoi a n-imríonn tú “Ceol is Cathaoireacha”: Socraíonn muid na cathaoireacha – ceann amháin níos lú ná an líon daoine atá ag imirt.
Tosaíonn an ceol agus siúlann chuile dhuine timpeall na gcathaoireacha.

Gaeilge Uladh

Seo an dóigh a n-imríonn tú “Ceol is Cathaoireacha”: Cuirfidh muid amach na cathaoireacha.
Toiseoidh an ceol agus siúlfaidh achan duine thart ar na cathaoireacha.

Gaeilge na Mumhan

Sé seo an tslí a dh’imríonn tú “Ceol is Cathaoireacha”. Socraímid na cathaoireacha. Cuirfimid na cathaoireacha amach ar an urlár i bhfoirm ciorcail.
Tosnaíonn an ceol agus siúlann nach éinne timpeall na gcathaoireacha.

English

Then when the music stops, everyone has to sit down.

Gaeilge Chonnacht

Ansin nuair a stopfas an ceol caithfidh chuile dhuine cathaoir a fháil le suí síos.

Gaeilge Uladh

Ansin nuair a stadfas an ceol caithfidh achan duine cathaoir a fháil le suí síos uirthi.

Gaeilge na Mumhan

Ansan nuair a stopfaidh an ceol caithfidh nach éinne suí síos.

English

But of course, there will be one person without a chair, so that person will be out.
Then we take away another chair and do it again and again until there are only two people left and one chair.

Gaeilge Chonnacht

Ach ar ndóigh, beidh duine amháin gan chathaoir, agus mar sin beidh an duine sin amuigh as an gcluiche.
Ansin tógfaidh muid cathaoir amháin eile as agus imreoidh muid aríst agus aríst eile, go dtí nach mbeidh ach beirt fanta agus cathaoir amháin.

Gaeilge Uladh

Ach ar ndóigh, beidh duine amháin gan chathaoir, agus beidh an duine sin amuigh as an chluiche.
Ansin tógfaidh muid cathaoir amháin eile amach agus imreoidh muid aríst agus aríst eile, go dtí nach mbeidh ach beirt fágtha agus cathaoir amháin.

Gaeilge na Mumhan

Ach gan dabht, beidh duine amháin gan cathaoir, agus mar sin beidh an duine sin amuigh as an gcluiche.
Ansan tógfaimid cathaoir amháin eile amach agus imreoimid arís agus arís eile é, go dtí nach mbeidh ach beirt fágtha agus cathaoir amháin.

English

The person who gets the chair the last time is the winner.

Gaeilge Chonnacht

An duine a n-éiríonn leis suí ar an gcathaoir dheireanach, sin é an buaiteoir.

Gaeilge Uladh

Bainfidh an duine a shuífeas ar an chathaoir dheireanach.

Gaeilge na Mumhan

Beidh an bua ag an té a n-éireoidh leis suí ar an gcathaoir dheireanach.

"Púicín"

Blindman's buff

Púicín

English

Who wants to be the blind man?

Gaeilge Chonnacht

Cé tá ag iarraidh a bheith ina dhall?

Gaeilge Uladh

Cé atá ag iarraidh a bheith ina dhall?

Gaeilge na Mumhan

Cé a bheidh ina dhall?

English

Come here and I’ll blindfold you.

Gaeilge Chonnacht

Gabh i leith anseo agus cuirfidh mé púicín ort.

Gaeilge Uladh

Goitse anseo agus cuirfidh mé púicín ort.

Gaeilge na Mumhan

Tar anso agus cuirfead púicín ort.

English

Whoever you catch will be the next blind man.

Gaeilge Chonnacht

Is é an duine a mbéarfaidh tú air an chéad dall eile.

Gaeilge Uladh

Beidh an chéad duine a mbéarfaidh tú air ina dhall ansin.

Gaeilge na Mumhan

Is é an chéad dall eile, ná an duine a mbéarfaidh tú air nó uirthi.

Cuir ruball ar an asal

Cuir eireaball ar an asal

Cuir drioball ar an asal

Pin the tail on the Donkey

Cuir drioball ar an asal

English

Draw a donkey without a tail beforehand and stick it to the wall, with Blu-Tack perhaps.

Gaeilge Chonnacht

Tarraing pictiúr d’asal gan drioball roimh ré agus greamaigh den bhalla é, le Blu-Tack b’fhéidir.

Gaeilge Uladh

Tarraing pictiúr d’asal gan ruball roimh ré agus greamaigh ar an bhalla é, le Blu-Tack b’fhéidir.

Gaeilge na Mumhan

Tarraing pictiúr d’asal gan eireaball roimh ré agus greamaigh den bhfalla é, le Blu-Tack b’fhéidir.

English

Cut out a donkey’s tail and give it to each child in turn.

Gaeilge Chonnacht

Gearr amach drioball asail agus tabhair do chuile dhuine ar a sheal é.

Gaeilge Uladh

Gearr amach ruball asail agus tabhair do achan duine ar a sheal é.

Gaeilge na Mumhan

Gearr amach eireaball asail agus tabhair dos nach éinne ar a dturas é.

English

We will pin the tail on the Donkey. Everyone will have a turn.

Gaeilge Chonnacht

Cuirfidh muid an drioball ar an asal. Beidh seans ag chuile dhuine.

Gaeilge Uladh

Cuir an ruball ar an asal. Beidh seans ag achan duine.

Gaeilge na Mumhan

Cuir eireaball ar an asal. Beidh seans aiges nach éinne.

English

I will blindfold you and give you the donkey’s tail.

Gaeilge Chonnacht

Cuirfidh mé púicín ort agus tabharfaidh mé drioball an asail dhuit.

Gaeilge Uladh

Cuirfidh mé púicín ort agus bhéarfaidh mé ruball an asail duit.

Gaeilge na Mumhan

Cuirfead púicín ort agus tabharfad eireaball an asail dhuit.

English

Then I will turn you around three times and ask you to put the tail on the donkey.

Gaeilge Chonnacht

Ansin casfaidh mé timpeall trí huaire thú agus iarrfaidh mé ort an drioball a chur ar an asal.

Gaeilge Uladh

Ansin casfaidh mé thart trí huaire tú agus iarrfaidh mé ort an ruball a chur ar an asal.

Gaeilge na Mumhan

Ansan casfad timpeall trí huaire tú agus iarrfad ortsa an t-eireaball a chur ar an asal.

English

I will mark your place with a pencil.

Gaeilge Chonnacht

Marcálfaidh mé t’áit le peann luaidhe.

Gaeilge Uladh

Marcálfaidh mé d’áitse le peann luaidhe.

Gaeilge na Mumhan

Marcálfad d’áitse le peann luaidhe.

English

Then the next person will try.
Whoever gets nearest will be the winner.

Gaeilge Chonnacht

Beidh seans ag an gcéad duine eile ansin.
Is é an buaiteoir an duine is gaire don mharc.

Gaeilge Uladh

Beidh seans ag an chéad duine eile ansin.
Bainfidh an duine is cóngaraí don mharc.

Gaeilge na Mumhan

Beidh seans ag an gcéad duine eile ansan.
Beidh an bua ag an té is congaraí don marc.

Deir Ó Grádaigh

O'Grady says

Deir Ó Grádaigh

English

Children imitate actions O’Grady makes as O’Grady calls out:

Gaeilge Chonnacht

Déanann na gasúir aithris ar na gníomhartha a dhéanann Ó Grádaigh agus é ag fógairt:

Gaeilge Uladh

Dhéanann na páistí aithris ar na gníomhartha a dhéanann Ó Grádaigh agus é ag rá:

Gaeilge na Mumhan

Déanann na leanaí aithris ar na gníomhartha a threoraíonn Ó Grádaigh dóibh a dhéanamh agus é ag fógairt:

English

"O’Grady says ‘Put up your hands!’"
"O’Grady says ‘Put your hands on your head!’"
"O’Grady says ‘Jump where you are!’"
"O’Grady says ‘Stop jumping!’"

Gaeilge Chonnacht

"Deir Ó Grádaigh ‘Cuirigí suas na lámha!’"
"Deir Ó Grádaigh ‘Cuirigí na lámha ar bhur gcloigne!’"
"Deir Ó Grádaigh ‘Léimigí ar an spota!’"
"Deir Ó Grádaigh ‘Stopaigí ag léim!’"

Gaeilge Uladh

"Deir Ó Grádaigh ‘Cuirigí suas bhur gcuid lámha!’"
"Deir Ó Grádaigh ‘Cuirigí bhur lámha ar bhur gceann!’"
"Deir Ó Grádaigh ‘Léimigí ar an spota!’"
"Deir Ó Grádaigh ‘Stadaigí de léimtigh!’"

Gaeilge na Mumhan

"Deir Ó Grádaigh ‘Cuirigí suas na lámha!’"
"Deir Ó Grádaigh ‘Cuirigí na lámha ar bhur gceann!’"
"Deir Ó Grádaigh ‘Léimigí ar an spota!’"
"Deir Ó Grádaigh ‘Stopaigí ag léimt!’"

English

‘Put up your hands!’

Gaeilge Chonnacht

‘Cuirigí suas na lámha!’

Gaeilge Uladh

‘Cuirigí suas bhur lámha!’

Gaeilge na Mumhan

‘Cuirigí suas na lámha!’

English

‘O’Grady didn’t say it, so you’re out!’

Gaeilge Chonnacht

‘Níor dhúirt Ó Grádaigh é – tá sibhse amuigh!’

Gaeilge Uladh

‘Níor dhúirt Ó Grádaigh é – tá sibhse amuigh!’

Gaeilge na Mumhan

‘Níor dúirt Ó Grádaigh é – tánn sibhse amuigh!’

English

(Occasionally ‘O’Grady says’ is omitted from the order, just ‘Do this!’ and anyone who does it is out. )

Gaeilge Chonnacht

(Scaití ní bhíonn ‘Deir Ó Grádaigh’ sa treoir, agus má dhéanann éinne é cuirfear an duine sin as an gcluiche.)

Gaeilge Uladh

(Corruair ní dheireann Ó Grádaigh ach “Déan seo” agus má dhéanann duine ar bith é tá sé nó sí amuigh as an chluiche.)

Gaeilge na Mumhan

(Uaireanta ní deir Ó Grádaigh ach ‘Dein é seo!’ agus má dhéanann aon duine é tá sé nó sí amuigh as an gcluiche.)

English

Last person left in the game is the winner.

Gaeilge Chonnacht

Is é an duine deireanach a bheas fanta an buaiteoir.

Gaeilge Uladh

Bainfidh an duine deireanach a bheas fágtha sa chluiche.

Gaeilge na Mumhan

An duine deireanach a bhíonn fágtha sa chluiche an buaiteoir.

Lachain, Lachain, Lachain ... Gé!

Lacha, Lacha, Lacha ... Gé!

Duck, duck, duck ... goose!

Lacha, lacha, lacha ... gé!

English

Everybody sit in a circle, except you. You be the fox.

Gaeilge Chonnacht

Suígí uileag i gciorcal, seachas duine amháin. Is tusa an sionnach.

Gaeilge Uladh

Suíodh achan duine i gciorcal, taobh amuigh de dhuine amháin. Tusa an madadh rua.

Gaeilge na Mumhan

Suíodh nach éinne i gciorcal, seachas éinne amháin. Is tusa an madra rua.

English

Now fox, you touch each person on the shoulder in turn and say ‘duck…duck’ until you come to the person whose place you want to take.

Gaeilge Chonnacht

Anois a shionnaigh, leag do lámh ar ghualainn chuile dhuine ar a sheal agus abair “Lacha, lacha, lacha,” go dtí go dtiocfaidh tú go dtí an duine a bhfuil tú ag iarraidh an áit a bhaint de.

Gaeilge Uladh

Anois a mhadaidh, cuir do lámh ar ghualainn achan duine ar a sheal agus abair “Lachain, lachain, lachain,“ go dtí go dtiocfaidh tú go dtí an duine a bhfuil tú ag iarraidh an áit a bhaint de.

Gaeilge na Mumhan

Anois a mhadra rua, leag do lámh ar ghualainn nach éinne ar a sheal agus abair “Lacha, lacha, lacha,” go dtí go dtiocfaidh tú go dtí an duine a bhfuil tú ag iarraidh an áit a bhaint dó.

English

Then say ‘Goose!’ and run as fast as you can around the circle to that place again.

Gaeilge Chonnacht

Ansin abair “Gé!” agus rith chomh sciobtha agus atá tú in ann, tabhair do na bonnacha é timpeall an chiorcail go dtí an áit sin aríst.

Gaeilge Uladh

Ansin abair “Gé!” agus rith chomh gasta agus a thig leat, thart ar an chiorcal go dtí an áit sin aríst.

Gaeilge na Mumhan

Ansan abair “Gé!” agus rith chomh tapaidh agus is féidir leat, timpeall an chiorcail go dtí an áit sin arís.

English

The goose must also run, in the opposite direction, to get back to their own place before the fox gets there.

Gaeilge Chonnacht

Caithfidh an ghé ritheacht timpeall freisin, an treo eile, ar ais go dtí a háit féin sula sroichfidh an sionnach an áit sin.

Gaeilge Uladh

Caithfidh an ghé rith thart fosta sa treo eile, ar ais go dtí a áit féin sula bhfaighe an madadh rua a fhad leis.

Gaeilge na Mumhan

Caithfidh an ghé rith timpeall leis, ach sa treo eile, ar ais go dtína háit féin sula mbainfidh an madra rua an áit sin amach.

English

Whoever is left standing has to be the fox.

Gaeilge Chonnacht

Is é an duine atá fágtha ina sheasamh an chéad sionnach eile.

Gaeilge Uladh

Is é an chéad mhadadh rua eile an duine atá fágtha ina sheasamh.

Gaeilge na Mumhan

Is é an chéad mhadra rua eile an duine atá fágtha ina sheasamh.

English

The game goes on again as before.

Gaeilge Chonnacht

Leanann an cluiche ar aghaidh aríst ar an gcaoi chéanna.

Gaeilge Uladh

Leanfaidh an cluiche ar aghaidh aríst ar an dóigh chéanna.

Gaeilge na Mumhan

Leanann an cluiche ar aghaidh arís sa tslí chéanna.

"Tip agus Tig"

Tip and tig

"Tip" agus "tig"

English

Two or three people are on.

Gaeilge Chonnacht

Bí thusa agus tusa agus tusa air.

Gaeilge Uladh

Bí thusa agus tusa agus tusa air.

Gaeilge na Mumhan

Bíse agus bíse agus bíse air.

English

That corner, (post, square) is the Tig.
Tig is a safe area where you can’t be caught.

Gaeilge Chonnacht

Is é an coirnéal sin an Tig. Is é an cuaille sin an Tig.
Is í an chearnóg sin an Tig. Ní féidir breith ar dhuine atá sa Tig.

Gaeilge Uladh

Is é an coirnéal sin an Tig.
Ní thig greim a fháil ar dhuine atá sa Tig.

Gaeilge na Mumhan

Is é an cúinne sin an Tig.
Ní féidir breith ar dhuine atá sa Tig.

English

The people who are on have to Tip the others before they get to Tig.
We’ll change around in a few minutes.

Gaeilge Chonnacht

Anois na daoine atá air, rithigí i ndiaidh na ndaoine eile agus triáiligí breith orthu sula sroichfidh siad an Tig.
Athróidh muid thart i gceann cúpla nóiméad.

Gaeilge Uladh

Anois na daoine atá air, rithigí i ndiaidh na ndaoine eile agus déanaigí iarracht greim a fháil orthu sula dtig siad a fhad leis an Tig.
Athróidh muid thart i ndiaidh cúpla bomaite.

Gaeilge na Mumhan

Ritheadh na daoine atá air i ndiaidh na ndaoine eile anois agus triailigí breith orthu sula mbainfidh siad Tig amach.
Athróimid timpeall i gceann cúpla nóimeat.

Ag Gléasadh Suas

Dressing up

Ag gléasadh suas

English

I have all the dressing up clothes here.

Gaeilge Chonnacht

Tá na héadaí ar fad anseo agam le haghaidh gléasadh suas.

Gaeilge Uladh

Tá an t-éadach uilig agam fá choinne cóiriú suas.

Gaeilge na Mumhan

Tá na héadaí ar fad anso agam chun gléasadh suas.

English

This is a beautiful dress. You will look like a princess, a queen, a fairy.

Gaeilge Chonnacht

Seo gúna álainn. Beidh tú cosúil le sióg. Beidh tú cosúil le banríon. Beidh tú cosúil le banphrionsa.

Gaeilge Uladh

Seo culaith dheas. Beidh tú cosúil le sióg. Beidh tú cosúil le banríon. Beidh tú cosúil le banphrionsa.

Gaeilge na Mumhan

Seo gúna gleoite. Beidh tú ar nós banphrionsa. Beidh tú ar nós banríon. Beidh tú ar nós sióg.

English

Here’s a scarf. Would you like to drape it around your waist as a sash?

Gaeilge Chonnacht

Seo scairf. Ar mhaith leat í a chasadh timpeall do bhásta mar a bheadh sais?

Gaeilge Uladh

Seo scairf. Ar mhaith leat í a chasadh thart ar do bhásta cosúil le sais?

Gaeilge na Mumhan

Seo scairf. Ar mhaith leat í a chasadh timpeall do bhásta mar a bheadh sais?

English

Here’s a stole. This could be a cloak or a shawl.
Those high heels make you look like a lady.

Gaeilge Chonnacht

Seo brat. Dhéanfadh sé clóca nó seál.
Is cosúil le bean uasal ceart thú sna sála arda sin.

Gaeilge Uladh

Seo brat. Dhéanfadh sé clóca nó seál.
Tá tú cosúil le bean uasal ceart sna sálta arda sin.

Gaeilge na Mumhan

Seo brat. Dhéanfadh sé clóca nó seál.
Tá cuma bean uasail cheart ort sna sála arda san.

English

But who are you? You look so posh I would never have known you. You’re lovely! Not a hair out of place!

Gaeilge Chonnacht

Ach cé thusa? Breathnaíonn tú chomh galánta sin nach n-aithneoinn go brách thú. Tá tú go hálainn! Níl bunchleite isteach ná barrchleite amach.

Gaeilge Uladh

Ach cé tusa? Amharcann tú chomh galánta sin nach n-aithneoinn go deo tú. Tá tú galánta! Níl ribe amach as áit.

Gaeilge na Mumhan

Ach cé tusa? Féachann tú chomh galánta san nach n-aithneoinn go brách thú. Tánn tú go hálainn! Níl bunchleite isteach ná barrchleite amach.

English

Who are you supposed to be? Would you like to stuff a cushion up your jumper to make a fat tummy?

Gaeilge Chonnacht

Cé thusa? An bhfuil tú ag iarraidh cúisín a shacadh suas i do gheansaí chun bolg mór ramhar a chur ort féin?

Gaeilge Uladh

Cé tusa? Ar mhaith leat cúisín a shá suas do gheansaí fá choinne bolg ramhar a chur ort?

Gaeilge na Mumhan

Cé tusa? An dteastaíonn uait cúisín a chur suas do gheansaí chun bolg ramhar a chur ort féin? An bhfuil tú ag iarraidh cúisín a shá suas do gheansaí?